II O 17

II O 17 ATHEN. XIII 596 E:
Νικαρέτη δὲ ἡ Μεγαρὶς οὐκ ἀγεννὴς ἦν ἑταίρα, ἀλλὰ καὶ γονέων . . . . καὶ κατὰ παιδείαν ἐπέραστος ἦν, ἠκροᾶτο δὲ [3] Στίλπωνος τοῦ φιλοσόφου.
DIOG. LAERT. II 114:
καὶ γυναῖκα [4] ἠγάγετο [scil. Stilpon]˙ καὶ ἑταίρᾳ συνῆν Νικαρέτῃ, ὥς φησί που καὶ [5] Ὀνήτωρ. καὶ θυγατέρα ἀκόλαστον ἐγέννησεν, ἣν ἔγημε γνώριμός τις αὐτοῦ [6] Σιμμίας Συρακόσιος. ταύτης οὐ κατὰ τρόπον βιούσης εἶπέ τις πρὸς τὸν Στίλπωνα ὡς καταισχύνοι αὐτόν˙ ὁ δέ, "οὐ μᾶλλον" εἶπεν, "ἢ ἐγὼ [8] ταύτην κοσμῶ."
PLUTARCH. de tranq. anim. 6 p. 467 F-468 A:
ὥσπερ οὐδὲ Στίλπωνα τῶν κατ' αὐτὸν φιλοσόφων ἱλαρώτατα ζῆν ἀκόλαστος οὖσ' ἡ θυγάτηρ˙ ἀλλὰ καὶ Μητροκλέους [cf. V L 2] ὀνειδίσαντος˙ "ἐμὸν οὖν" ἔφη "ἁμάρτημα τοῦτ' ἐστὶν ἢ ἐκείνης;" εἰπόντος δὲ τοῦ Μητροκλέους˙ "ἐκείνης μὲν ἁμάρτημα σὸν δ' ἀτύχημα˙" "πῶς λέγεις;" εἶπεν "οὐχὶ τὰ ἁμαρτήματα καὶ διαπτώματ' ἐστί;" "πάνυ μὲν οὖν" ἔφη. "τὰ δὲ διαπτώματ' οὐχ ὧν διαπτώματα, καὶ ἀποτεύγματα;" συνωμολόγησεν ὁ Μητροκλῆς. "τὰ δ' ἀποτεύγματ' οὐχ ὧν ἀποτεύγματ', ἀτυχήματα;" πράῳ λόγῳ καὶ φιλοσόφῳ κενὸν ἀποδείξας ὕλαγμα τὴν τοῦ κυνικοῦ [17] βλασφημίαν.